-----:বসন্তৰ গান :-----

নকলা কিয় এবাৰো আহিম বুলি,
আদৰিলোহেঁতেন দুৱৰীৰ দলিচাত
শেৱালিৰ ফুল বাচি ।
ৰলোহেতেন নিশ্বাসত সুবাস সাবটি
তোমাক দিবলে ।

তুমি পচোৱা নে ধুমুহা ?
ইমান অপ্ৰত্যাশিত,
ইমান অবাধ্য ।
স্তব্ধ হৈ যায় মোৰ উশাহ ।
আবেগেও ভেটা ভাঙিব খোজে ।

ধুমুহালৈ মোৰ বৰ ভয় জানানে !
মূহুৰ্ত্ততে আহি মূহুৰ্ত্ততে গুচি যায় ।
জোৱাৰৰ দৰে নাচে আবেগে মূহুৰ্ত্তলে,
আৰু ৰৈ যায় বিধ্বস্ততা ।

তুমি বহাগ হোৱানা ।
প্রকৃতিৰ সতে প্রস্তুতি চলাম
তোমাক আদৰাৰ ।
চকুত লাজ, মনত অযুত হেপাহ লৈ
বাট চাম তোমালৈ ।

নাচনী হ'বৰ বৰ হেপাঁহ মোৰ ৷
ৰঙিলী কপৌপাহি খোপাত সজাই দিবানে !
গাবানে মোৰ সতে বসন্তৰ গান !!


                      27/03/14
------------------------